اكثر من 5 قصائد عن الأم روعه وتعجبكم . شعر خليجي بدوي عن الام

واللــه لو تزعــل جموع الملايين ..

.. حتـى ولو كـل البشـر عاتبـوني

حتـى ولو فيـهم وليف المـزايين .. .

. ما رد في امـري ولــو خاصموني

حتى ولو ثارت جيوش وبراكيـن ..

.. الـروم ويا الفـرس لو حاربوني

ما ينحـني راسي ولا ترمـش العين ..

.. أصمد ولو في حبها عذبوني

لو يقسـموا جسـمي من الراس نصفين .

. .. من هامتي ليما تباعد عيوني

وينشق صدري ويصبح القلب قلبين ..

.. يا بنت أنا في حب (أمي) جـنوني

مـن لامــني في حبها ياكل الطين ..

.. في حبهـا واللـه ما يحـرموني

يا بنت أنا والله لو اخسـر البيــن ..

.. أنتي وكل الـناس ما تمنعـوني

*********************

لو يجوز اسجد توطيت وخضعت ..

.. جنة الرحمن تحت اقدامها

لو كنوز الارض عندي مااقتنعت ..

.. ودي افديها وازيد اكرامها

من شروق الشمس صليت وركعت ..

.. ارتجى ربي يزيد ايامها

هاجسي دايم اذا رحت ورجعت ..

.. كيف اعوض حبها واحلامها

في بهاها مانظرت ولا سمعت .. ..

نور شمس ماتغيب اعلامها

لو وصفت النور منها ماستطعت ..

.. خلقة الله لبسته احرامها

لو كتبت ولو رسمت ولو جمعت .. .

. مانطق حرفي بدون اقلامها

******************

امي نظر عيني دوا كل علـه ..

.. من كفها الطاهر شربت الزلالي

وجهً سموح وبسمته ماتمله ..

.. شلال حبا ماترده الجــــــبالي

طيبه على طيبه وهي الطيب كله ..

.. اصل وفصل والشان في الناس عالي

وفي الجد, سيف الحق دايم تسله ..

.. ماهمها من كان لو كان خــــالي

يمه بأمرك, من جـناحك يظله ..

.. شخص رخص دنياه لعــيون غالي

وياسعد منهو كان حضنك محـله ..

.. يدفى ولو هبت هبوب الشـــمالي

ولا ياعرب ماقلت شعر اتـــــسلى ..

.. حبيت ابين للـــــــــملا راس مالي

********************************

أنا يمه رهن طوعك ومن يسراك إلى يمناك

ولو ما طاوعت كفي أقص الكف لو تعصاك

أنا يمه إذا ضاقت بي الدنيا أجي وألقاك

أجي وأبكي على صدرك ولا أرتاح إلين ألقاك

****************************

من ياخذ الدمعة لعينه ويعطين .. ..

بسمة أمل واعطيه في الناس همي

من خط لي في داخل القلب حرفين .. ..

حرفين عز وذاك يفداه دمي .. ..

ماغيرها تاجي على حاجب العين .. ..

أمي ولاأحد في العرب غير أمي.. ..

************************

حب امي فرض واجب والمحبة طاهرة

من بعد ربي لها كل التذلل والخضوع

طفل ربتني وظلت بالليالي ساهرة

تحمل همومي وتمسح من على وجهي الدموع

قدرها عندي كبير فوق النجوم الظاهرة

وعشقي لها يبقى الأصل ولغيرها يبقى فروع

******************************

خذي من ايام العمر كل ليلة ..

.. ماهوب يوم ٍ عيد والباقي ايام

يامن خدمتيني ليالي طويلة .. .

. تسهر عيونك ليل والناس نيام

امي معك الايام حلوة جميلة .

. .. تمر عجلى كنها طيف واحلام

اذا تاهت مداراتي لقيت بقلبها مرسى

واذا قل الوفا حولي عطتني الحب بلا منه

توصيني على روحي أدير البال وماأنسى

كأني فعينها طفل أبد مايكبر فـ سنه

ابا اسكن قلبها اللي ماعرف لو مرة بس يقسى

وأبا ألثم تربة صارت تحت اقدامها جنه

الله يخلي لنا أمهاتنا ويرحم الاموات من أمهات المسلمين

بيت تشاركوني روعتها