شعر خليجي بدوي ماني حزين . روعه

لاعتني الدنيـا وجربـت السنيـن !!
وانا احمد الله عـن غثاهـا واشكـره

اطوي همومي وسط قلبـي واستعيـن
الطيب .. آداريه / واللاش .. احقـره

ما دامني مركي على الضلـع المتيـن
اللي يبـي فرقـاي .. محـدٍ يجبـره

تعبت من ذااا اللي بجرحـه يستهيـن
وانااا اتدارى كل جرح (ن) .. واستره

حشمـت غلطاتـه لعيـن الطيبـيـن
وهو يزيد الجـرح بالجـرح اشكـره

يمدلي يسراه وامد له اليمين
يامهول الذنب العظيم وماكبره

قسم .. قسـم بالله رب العالميـن !!
ما يوجع الصاحـب ولا هـو يقهـره

إلا الرفيق اللي قطـع عـرق الوتيـن
اتلى العهد به فـي يمينـه يبتـره !!

شيضيق بالرجال يا العـذر السميـن
مهما عذرته فالزمـن مـا يعـذره !!

يا هل النفوس الضايقـه لا تستحيـن
ما تاقف الدنيا على ( سبـة مـره )

اللي خطـا مـره .. فـ حـده مرتيـن
والعفو مهمـا كـان عنـد المقـدره

ومن طاح من عيني ترى ماني بحزين
( البعد من بعض المخاليـق خيـره )