مجموعة قصائد مع صور معبره عن شخص يفكر يذلك في كل العلاقات لا تفوتكم روعه روح القصيد

اجمــل الاشــعار.تعبر عن عزة النفس ومقدار كرامة الانسان مهما كانت الظروف لن يتخلى عن كرامته .فالكثير يفضل عدم اهدار كرامته حتى لو مع الانسان الذي تحبه فلو كان يحبك لن يسمح لك بذل او باهانة كرامتك ...روعة ولا  اروع

اخترنا لكم 6 قصائد اتمنى ان تعجبكم .

 القصيده (1)

لا تكثر حكيك ترى دربك أشواك 

ياحافي الرجلين ثمن كلامك 

واذكر زمان اول وايام بلواك 

من سنعك للناس و عدل مقامك 

لايفلت لسانك على شخص رباك 

أنا بنيتك ماني عاجز هدامك 

ـــــــــــــــــــــــــــــــــــــ

 القصيده (2)

لا انت ولا غيرك يقدر يبكيني 

ما ارجع و لا اخضع لو كان اللي كان 

أنا ملك نفسي مهما اسرتيني 

ويوم حبيتك اثاريني غلطان 

ــــــــــــــــــــــــــــــــــــ

لا ترجع مابي الغلى ذاك ينعاد 

فعلا" أحبك لكن عندي كرامة 

ــــــــــــــــــــــــــ

 القصيده (3)

نفسي عزيزه لو غدا همي بحـــور

مالي مرسى في ذيــــــك المــواني

جيت مسرور ورحت ماني بمســـرور

سبحان من فيك يا هيــــــه ابتلاني

رسمت الوفى لك في ذيك السطور

وشوهت بغــــــــدرك كــل المعاني

شوف جرحك شوف كل الكســــــور

شوف جرحــك مع علت زمـــــــــاني

ما تــــدري ان الزمن فينا يـــــــدور

ومن غـــدرك لابد منه تعــــــــــاني

تتمنى قرب بنت اصحاب الصقـــــور

ارجـالٍ لو حطــوّ على الجــرح زاني

بس ماعــدت في قربك ابد مجبــــور

روح ابوي على العز يا هيه ربــاني 

ـــــــــــــــــــــــــــــــ

 القصيده (4)

نفسي عزيزه مقبل النفس تنهان 

يالعنبوا نفسٍ رضت بالمهانه

أن كان وصلي لك بقله ونقصان 

أنااعتبر نفسي بحقي مدانه

ما ينحني راسي واوطيه لانسان 

ولا تشرفني حياتٍ جبـانه

لا ماتعودت انحني يوم وانهـــان 

الانحنا والذل ساس الخيانه

والله لو تنشف بحورٍ وخلجان 

او تصبح البيدا على شكل دانه

في كفتي والا على شكل فنجان 

مارضى ولا اقبل كسر تلك المكانه

وش قيمتي لاسرت مفلس وطفران 

وارخص لمن حتى رخص في زمانه

ان كان ظنك بي كذا فانت غلطان 

وانت الغلط في كل شرع وديان

غلطان من قلت اعشقك والف غلطان 

الادمي يوقع بزلت لسانه

وانا اعتبرها واعترف زلة السان 

زلة مراهق واعتبرها شطانه

اعلنتها ماني على شي ندمان 

ماظن في جرح الكرامه ليانه

الورد يذبل لانجرح عود الاغصان 

والعطر ينشف في مرابع جنانه

لانسد شريان الغلا والغلا هان 

يظمى ويفقد فى المحبه حنان

ويصبح البستان للحزن عنوان 

اجرد وخالي مثل فاقد بنانه

حتى الفراش اللي تباها بالالوان 

تموت فوق الغصن والاقحوانه

ـــــــــــــــــــــــــــــــــ

  القصيده (5)

يخسي قلبي ان كـان لاجلـك يذلنـي 

الحب ماهـو مذلـة انسـان لانسـان 

ما انخلق بعده لي تحت رجلـه يحطنـي 

ولا انخلق ياللي عشانه نفسي تنهـان 

ظنيت فيك حب صادق ..شوق وتمنـي 

ظنيـت قلبـك كلـه مودة وحنـان 

ويـالاسـف خــاب فـيـك ظـنـي 

أثرك مـا تعـرف الحـب يـا فـلان 

اوهمتني بـه ونيتـك أصلا تذلنـي 

وانا عطيتك حب من خافـي الوجـدان 

توني عرفت انه حبي لك غلطه علمتني 

أفكر بعقلـي قبـل قلبـي والاعيـان 

يالله توكل .. روح ماعاد أمرك يهمني 

صرت يالمحبوب في صفحـة النكـران 

لا تظن في يوم احن لك ولا حبك يردني 

لا والذي سـواك مـا رد للـي كـان 

لاتذرف الدمع ولا تقول انـك تحبنـي 

عمر المحبة ماكانـت مذلـة وحقـران 

يخسي قلبي ان كـان لاجلـك يذلنـي 

نفسي عزيزة رافضـة فيـوم تنهـان

ـــــــــــــــــــــــــــــــــــــ 

كنت احسبك ماسه تصعب على كل رجال.. 

مادريت انك حجر الكل يدوسه... 

ــــــــــــــــــــــــــــــ

 القصيده (6)

راسك وش فيه لما اكلمك مرفوع 

الظاهر اني فوق حجمك عطيتك 

لحظة دقيقة نبي نرجع لماضيك 

بذكرك بأي حال لقيتك 

كان الضياع و دمعتك تخاويك 

منهار و في عز انهيارك خذيتك 

لاصار ذل النفس في قلب يغليك 

يلعنك يا قلب عشقتك و شريتك 

اضحك حبيبي دام الوقت مسليك 

باكر بتموت من القهر لانسيتك

- - - - - - -- - - - - - -- - - - - - -- - - - - - -- - - - - - -- - - - - - -- - - - - - -

فالأخير لاتنسوا زيارتنا من جديد فقط ابحث عن موقعنا في محرك البحث قوقل اسم موقعنا هو

     روح القصيد شعر رومنسي شعر بدوي شعر خليجي

              رابط موقعنا هو ..  https://roooh10.blogspot.com/

- - - - - - -- - - - - - -- - - - - - -- - - - - - -- - - - - - -- - - - - - -- - - - - - -- - - - - - -- - - - - - -- - - - - - -- - - - - - -

- - - - - - -- - - - - - -- - - - - - -- - - - - - -- - - - - - -- - - - - - -- - - - - - -

فالأخير لاتنسوا زيارتنا من جديد فقط ابحث عن موقعنا في محرك البحث قوقل اسم موقعنا هو

     روح القصيد شعر رومنسي شعر بدوي شعر خليجي

              رابط موقعنا هو ..  https://roooh10.blogspot.com/

- - - - - - -- - - - - - -- - - - - - -- - - - - - -- - - - - - -- - - - - - -- - - - - - -- - - - - - -- - - - - - -- - - - - - -- - - - - - -